EYELINER :$ ~

السلام عليكم ..صباحكم شيء جميل و تفاؤل :$ ~
- ليا كم يوم افكر انزل وكذا , بس مضيعه ومو عارفة ايش انزل صراحة , و بما اني شفت نفسي صاحية ذحين ولخبطة نوم , و نشاط عالفجر , قلت خليني انزل شي بسيط وقعدت افكر قلت خليني انزل عن الايلاينر , لان فيه كثير ناس مايعرفوا انواعه ولا يعرفوا كيف يرسموه اساسا . فان شاء الله افيدكم بالموضوع , و انجح و اوصل المعلومة لكم بشكل بيرفكت ~ 
نبدأ بسم الله .
 اول شي الايلاينر له كم نوع
 , الجل ايلاينر -GEL EYELYNER -
احسن شي بالجل ايلاينر حق ماك و حق مايبلين , بس طبعاَ حق ماك افضل بس 
الاغلب يقولو حق ماك ينشف سريع ..
 
و هذا حق مايبلين :  في منه لونين بني و اسود , يستعملوه للحواجب , و للايلاينر , الفرشا حقته مرا جميله خصوصا ان طولها مناسب لا قصير ولا طويل يسهل الرسم 

ثاني نوع اللي هوا لكويد ايلاينر : هذا حق بودي شوب جميل ...
ثالث نوع اللي هوا الايلانر القلم هوا هذا - حق سيفورا اللي بالصورة ..
م جربته جربت حق NYX  جيد وسواده ثابت ...

و في شي جديد نازل يجي ايلاينر جليتر يجي بشكل اكشن , يعني في المناسبات الكبيرة , او ادا كان اللبس مرا ناعم تحطيه يعطي شي فيه زي هذا  , جربت حق NYX  ما اعرف وين يبيعوه كمان ..

هذي فرشته , فرشته جيدة مو مرا ذاك الشي . 

و كذا يطلع شكله عالعين , بدون شادو ولا شي احس جميل . 


ذحين نجي لرسمات الايلانر في كثير رسمات بوريكم كم وحدا , و انتوا اختارو اللي يناسبكم ..اول شي و المشهورة عادة .
 الكات اي  CATEYE , زي مانتو شايفين اضافت شي بسيط من الجليتر ايلاينر .
ثاني رسمة FRENCH EYELINER تجي مستقيمة شوي 
و في الرسمة العربية المشهورة فيها * هيفاء وهبي ..





* طريقة رسم الايلاينر ..في كم فيديو حوريكم هيا , طريقتهم سهلة و بسيطة
 

" و بس هذا كل شي لليوم , ان شاء الله ما اكون نسيت شيء ..
 ارائكم و كومنتاتكم اذا تقدروا , و اقترحوا لي مواضيع تحبوها اكتبها لكم

+ شكراَ للشي الجميل اللي ساعدتني بالموضوع , الله لا يحرمني منها ..
 انتبهوا لنفسكم استودعتكم ربي , واصلوني ع تويتر @roudis_blog

بحفظ الرحمن ..

اليوم العالمي لمتلازمة داون ~

 . . السلآم عليكم 

بمآ انه امس كان اليوم العالمي لمتلآزمة داون : 21 مارس 

حبيت اتكلم شوي عن المرض , و كيف نتعامل مع الاشخاص و الاطفال المصابين فيه .. 

لان الاغلب مايعرف المرض بشكل صحيح ,  و ممكن فاهمه غلط .

عشان كذا عملت كم سيرش عنه , و تاكدت من المعلومات اللي عندي وزدت عليها . 

و فكرت انو انزلها بالبلوق و بس يلا نبدأ : -

اول شي ايش هوا متلازمة داون : 

هوا مرض من الاعاقات العقلية " التخلف العقلي : و التخلف العقلي يكون :  حالة من عدم تكامل نمو خلايا المخ، أو توقف نمو أنسجته من ايام الولادة أوفي السنوات الأولى من الطفولة لسبب والتخلف العقلي مومرض مستقل أو معين،  هو مجموعة أمراض كلها يكون فيها انخفاض درجة ذكاء الطفل.. مقارنة بمعدل الذكاء العام، وعجز في قابليته على التكيف.

 متلازمة داون وأنواعها:

 كلمة متلازمة داون إلى مجموعة من العلامات والسمات التي توجد وتبان مجتمعة في وقت واحد وهو واحد من أسباب التخلف العقلي الشائعه ، و يكون احيانا تباطؤ في النمو العقلي والحركي، و مو ضروري يكون بالضرورة حالة وراثية . متلازمة داون تسمت بهذا الاسم على الطبيب جون داون , كانو بالاول يسمونهم منغوليين , بس منغوليا قدمت شكوى و اظطروا يسموها متلازمة داون . 

حتكلم شوي عن مرضى متلازمة داون :

اجتماعيين اغلبهم  إحساسهم مرهف ، يحبوا المرح والانشراح والاستمتاع بالأشياء وحب التقليد ، وفيه منهم يخجلوا قدام الزوار و الناس الغرب غير اهلهم ، وفي بعضهم يتعاطف مرا ويحب الناس الاجانب عنهم ، يحبوا يلعبوا بشكل كبير ، ما يحبو يكونوا بمكان ضيق ومقفل لوقت طويل ويحبوا الأماكن المفتوحة لانهم يحبوا ينطلقوا ويكتشفوا العالم .

كيف نتعامل معهم :

 انا حابة اتكلم عن كيف نتعامل مع اي معاق بالحياة ان كان جسديا او عقليا , جد الموضوع ذا يباله تثقيف و نشر مرا اسلوب الناس عندنا خاصة بالدول العربية اسلوب سيء معهم يعني تشوفي النظرات الموجهة لهم و الاستغراب و حالات اللطف الشديدة اللي تنزل عليهم بشكل باين وواضح انهم حزنانين عليهم , جد بالنسبة ليا انا اعرف ناس رجال و حرمته معاقين جسديا و عندهم اولاد و كله , المهم الرجال وحرمته راحو لامريكا مدة ماني مفتكرة ليش بس اظن  لعلاج او شي كدا بعدها ما قدروا يرجعو هنا الا بالاجازات  و بس مهم قادرين يتعايشوا هنا بسبب التعامل , يعني بشكل انهم بعدوا عن اهلهم كلهم واولادهم عشان هناك التعامل افضل مافيه زينا يمكن مو موضوعه هنا بس ابين لكم كيف جد المجتمع يباله تثقيف بالموضوع دا . 

المعاق جسديا حنتعامل معاه كاي شخص طبيعي باستثناء انو راح نساعده باللي مايقدر عليه , نعزز معنوياته نعلمه انو انسان طبيعي زيه زينا بس اللهم ناقصه حاجات و زايدة عنده حاجات محد كامل غير ربنا , يعني جد يمكن المعاق هذا عنده امكانيات ماتلقيها بالانسان الطبيعي , ربي ياخد شي ويعطي شي . و المعاق العقلي نفس الوضع بس طبعا راح نعامله ع حسب قدراته العقلية . مانجيب له شي صعب ونقول م يفهم و لا نجيب شي سهل مرا ونستهين بقدراته , لازم نعززهم نديهم امل بالحياة ان ربي زي ما اخذ بيعطي , وكل هذا طبعا من مرض من تعامل الناس له اجر من ربي . 

+ في النهاية حابة اعرض لكم دا الفيلم الصغير عن اليوم العالمي للمعاق اسمه { مُجحِفون ..

* بس صراحة ماني عارفة ايش اقول كمان م احس اني وفيت الموضوع حقه خصوصاَ ان ما قد تعاملت فعليا مع مريض متلازمة داون . نسأل ربي لهم الشفاء العاجل , و لكل اهل معاق الله يعطيكم العافية ع كل مجهودكم كله باجر من ربي باذن الله ..

- استودعتكم ربي , انتبهوا لنفسكم , واصلوني ع تويتر :

@roudis_blog

TAG ~

السلام عليكم , مسآء الخير 

اليوم حابة انزلكم تاق , طبعاَ انا شفت التاق ب مدونة قورجس  هنا ~ 

هي ناقلته من مدونة " the red lip

بسم الله نبدأ ~ " بجاوب عربي .. 

1- What do you think is the real secret to feeling gorgeous

ماهو السر الحقيقي للشعور بالجمال " 

, بالنسبة لي صراحةَ اذا كنت مهتمة بشكلي و اذا كنت راضية عنه , قبل كذا صراحة احس بالجمال 

اذا سويت حاجة كويسة , و انبسطت من نفسي ساعتها ~

2- What is you fav novel?

ماهي الروايه المفضله ?

ما أقرا روايات كثير , بس ممكن ' diary of wimpy kid '

هي الوحيدة اللي قريتها , بس مرا جميلةة , و تزود اللغه عندك .

3- Best thing to eat for breakfast?

افضل شي تاكلينه للفطور ؟ 

طبعا م بتكلم عن ايام المدارس , لان معروف الفطور :)

بس ايام الويكند والصيف صراحة الشي اللي احب مرا افطره ,هو بيض اومليت . او كورن فليكس" اعشقه " 

4- What beauty product gives you the most self confidence?

ماهو المنتج التجميلي الذي يعطيك اكثر ثقه بالنفس ؟

قلم وبودرة رسم الحواجب , و البيبي كريم . ما استغني عنهم صراحةً

5- What trend do you love right? and what trend would love to see go?

الموضه الي حابتها ؟

ممكن الليقنقز اللي يجي من فوق واسع ومن تحت ماسك اتوقع اسمه " شروال " مريح بشكل واحس منظره جميل مرا ~

6- Fav piece in your wardrobe?

اكثر قطعه تحبيها بدولابك ؟

كل الليقنقز اللي تكلمت عنها فوق , و البلوفرز 

7- What is your most inexpensive beauty item?

اغلى مستحضر تجميلي ؟

كونسيلر لانكوم ممكن ~

8- What do you think of fake eyelashes?

شرايك بالرموش المستعاره ؟

" محرمة , تنلعن اللي تركبها  " بس صراحةة تغير بالشكل مرا وتكبر العين بشكل يخليك تنبهرين ~

9- What movies could you watch over and over and still love?

فلمك الي تشوفينه دايما وللان تحبينه؟

ممكن freedom writers ~

او johnny English ~

10- If you could have any job in the world what would it be? You can take this q as fun! (;

اذا عندك القدره ع اختيار اي وظيفه بالحياه شنو هي؟

ابي اكون دكتوره نفسية , و ممكن ابى اكون شي مهم ما اعرف ايش هوا ما اعرف اوصفه بس شي مهم :(

11-What is the best invention of all time?

 

افضل اختراع بالحياة ؟

ممكن النت او البيبي , و الميك اب برضو 

.done

شكراَ قورجس , و مدونة the red lip 

انتبهوا لنفسكم , استودعتكم الله , اعطوني افكاركم و اقتراحاتكم ع التويتر 

@roudis_blog