Turkish Haul :*

___





السلام عليكم , رجعت لكم ببوست بعد مممدة طويلة , طبعا انا اسفه مرا طولت بس لان كان عندي قدرات و كذا ..

بإجازة الحج انا رحت تركيا . ادري انو ممممرا متاخر اني انزل الهول الحين بس عادي عادي المهم صورت لكم كم حاجة اشتريتها من هناك في اشياء بعد م طفى الكام افتكرتها و تكاسلت ارجع اصورها :*


المهم بسم الله نبدأ
اول حاجة , اشتريت شنطة مايكل كورس , ما اعرف ايش لونها صراحة مني قادرة اميز بس اتوقع انو ابيض مطفي off white ..
بالصورة دي باينة لونها .

اخدت السايز الوسط ..

هناك الميك اب المشهور اللي مرا عندهم فلورمار .. اشتريت شويا منه و اشتريت من ميكاب هيلو كيتي برضو :( اشتريته عشان شكله لزيز :$

اول شي اخذت من هيلو كيتي مسكارا مكثفة , و بلشر , وفرشاة ( brush ) للبلشر جميلة مراا ..

و السيسي كريم , من فلورمار اخذت النوع اللي يوحد لون البشرة . و كمان اخذت فونديشن منهم اللي يجي مات matt مراا حلو اخذت المناديل تبع الميك اب , وايلاينر مرا حلو منهم  .. 

و اخذت ذي المناكير .. 

و اخذت هذا البلشر من هيلو كيتي درجته 04

و اخذت الهاي هيلز الجمممميل هذا من اتش اند ام :(

و الفلات من محل نسيت ايش اسمه , بس مو موجود عندنا 

اخذت بلوفرات و اكسسوريز من هناك بس نسيت اصورها :| , حنزلها قريب ان شاء الله بانستقرام ...

بس استودعتكم ربي 

واصلوني ع تويتر ...

Taous Event , اليوم العالمي لمرض سرطان الثدي ..

السلام عليكم , برضو حرجع واقول وحشتوني وحشتوني وحشتوني مراااااا كثير .

جيتكم اليوم ببوست خفيف و بسيط عن ايفنت كان بساارا كورنر , اللي عامل الايفنت هيا طاؤوس براند .
عاملة الايفنت عن اليوم العالمي لسرطان الثدي , شعار الايفنت كان  Give Hope & Choose Pink ( كوني الامل واختاري الوردي ..
كان الايفنت جممميل ومرتب مممرا ماشاء الله . هذه بعض الصور منه ..

المتحدثات بالايفنت كانو الاستاة سميرة خوجة , و ميسون ..
حكونا عن تجربتهم بالضبط كيف كانت و عرفونا عن المرض وكيف كان علاجهم , وكيف طريقة الوقاية ..

هنا كورنر طاؤوس براند عرضت تصاميمها ..

طبعا بالاخير شكرا طاؤوس براند , وشكرا ل سارا كورنر عالايفنت الجميل الله يعطيكم العافية يارب


طبعا اذا حبين تتواصلو مع طاؤؤوس براند هذه وسائل التواصل معاهم

Twitter: @Taousbag

Instagram: @Taousbag

FB: /Taousbag

Instagram: @taya_salem

استودعتكم ربي :*

50 random facts about me ..

السلام عليكم , وحشتوووووني وحشتونيي مممرا 

انا اسفة و اعرف اني مصختها وانا كل بوست ادخل اقولكم انا اسفة لاني قطعت بس واللللهههه مشششششششششغولة مممممررررررا لين آخر لحظة ..

بما إني فاضية قلت انزلكم بوست خفيف جميل تاق من ذكرى الجميلة :*

بحاول اخليها 50 فاكتس مع اني احححسها مرا كتير بس ان شاء الله اقدر ..

يالله بسم الله نبدأ 

١- عمري 17 ..

٢- دحين انا ثالث ثنوي , ادرس مقررات .. 

٣- مع اني ما كملت سنة بالبلوق ولا حققت اللي انا اباه منها لسا , بس و الله مرا احس تعلقت فيها يعني احيان افكر اقفلها وارجع اقول استهبل انا ايش اقفلها مرا خلاص سارت شي دايم لييا ..

٤- حاليا سرت مذيعة ببرنامج حديث نساء وقاعدين نسجل الحلقة لنا مدة , بس مرا انشغلنا .

٥- أكره الطحينة , اكره ريحتها , يعني الحمدلله بس مستحيل اكل وهي قريبة مني :)

٦- عندي هوس الشراء على قولتهم , يعني لو بنزل السوق و م بشتري ما انزل احسن لي لان لازم اشتري اي شي 

٧- اككككررره تجلس معايا فلوس م تتصورون قد ايش اكره يعني لو معايا فلوس لازم اصرفها ولا ما ارتاح ..

٨-  أحب التشوكلت مرا , استكن عليها 

٩- ما احب القهوة العربي ( مستحيل اشربها غير وانا مع صحباتي بس ) , ممكن امريكي او تركي . 

١٠- انا اكثر انسانة احب التكنولوجي بالعالم , يعني اجمع بالاشياء اللي فيها تكنولوجي مرا 

١١- علاقاتي كثيرة مرا :)

١٢- ما احب التلفزيون ابدا , و اكره اتابع شي عالتلفزيون .

١٣- انا انسانة م تتصورون قد ايش اجلس بغرفتي يعني ممكن طول اليوم بالغرفة بس ممكن ساعة اخرج اقعد مع اهلي بس ..

١٤- اكره الكواريا :) (الفرق الكورية و كل شي كوري )

١٥- اكره افلام الرعب كره فضيع ..

١٦- انا اكثر انسانة احب اذاكر و انا مروقة , و اطول بالمذاكرة بسبب اني اجلس اكتب والخص وازبط و بالاخير كله بالزبالة :*

١٧- اككككره انام بمكان فيه نور مررا م احب , و لازم انام ع صوت المكيف .

١٨- ما احب انام مع احد :)

١٩- احب اقرا الروايات اللي تكون عربية , او عامية بس اهم شي ما تكون مترجمة .

٢٠- احب فيروز و صوت فيروز وكل شي تغنيه فيروز ..

٢١- ما احب احد يصحيني بصوت عالي .

٢٢- ما احب اجلس عالجوال بالسيارة ابدا :)

٢٣- اكثر انسانة ما كنت اخاف من الابر و عادي ما عندي مشاكل , لكن لي 3 سنين كل ما  اشوف احد ينضرب ابرة او انا انضرب ابرة ادوخ :) 

٢٤- اححب اعيش مستقلة , ما احب اعتمد على احد اببدا ..

٢٥- المدينة اللي نفسي ازروها لوس انجلوس ..

٢٦- المدينة اللي اتمنى اعيش فيها دبي :(

٢٧- أحب اظافرررري ممممممررررا , يوم تطول واجي اقصها احس اني ببكي :(

٢٩- اكثر انسانة اعصب , واكثر انسانة ممكن اندم على عصبيتي :)

٣٠- أكره احد يتحكم فيا او بتصرفاتي مرا ما احب :)

٣١- اذا ما احبك يبان بوجهي :)

٣٢- ما احب اطبخ الا اذا كنت رايقة ..

٣٣- اتكلم وانا نايمة  :(

٣٤- ما اعرف اراضي احد غير ماما :(~

٣٥- كل اللي بالحلم ممكن اسويه وانا نايمة اصرخ ابكي اضحك كله ماعندكم مشاكل :))

٣٦- ما اعرف احط لاحد الميك اب , ولا احب احد يحطلي ..

٣٧- ما احب التغيير , احب استقر بمكان واحد :)

٣٨- مستحيل أنام في مكان غير سريري :"( 

٣٩- كنت اكثر انسانة ممكن م تبكي , الحين ع اي شي ابكي :)

٤٠- احب النونو اللي لسا في اللفة ..

٤١- علاقتي بالحليب الحار سيئة جججججججججججدا 

٤٢- ما احب الاطفال فوق سنتين :)

٤٣- احب اخلي الفواتير عندي , ممكن تجلس 3 شهور عادي 

٤٤- أمنيتي ادخل طب نفسي , بس الكل يحطم ويقول ممكن تنجنين :)

٤٥- احب الفاست فود خصوصا ماك :) 

٤٦- مسرررفة ..

٤٧- احب اللون الابيض و الازرق مممرا احبهم :(

٤٨- اكره اللون الاسود .

٤٩- نساية دررجة اوووووولى ..

٥٠- احب اتهور واسوي اشياء غريبة ممكن ..

*

و بس 

استودعتكم ربي , احبكم 

@roudis_blog

My favorite ..

السلام عليكم
وحشتوووني , اعرف اني لي فترة مانزلت بوستات اننننا اسفة جدا جدا ..
في اخبار حلوا لكم ان شاء الله اليوم اول شي .
انا انضميت لبرنامج حديث نساء , مع الطاف خزيندار..
شكراَ ريما الخياط عالصورة الجميلة دي :( :* مرا حبييتههها ..

- اليوم باذن الله حنزل لكم مفضلاتي للفترة دي ..
اوول شي و اجججمل شي وانا ممررا عاجبني هوا الكوب هذا :( احبه احبه احبه ممررا ..

ثاني شي جميل باليت اربن ديكاي , اسمه سموكد ..
جممميل مرا وفيه كم لون شيمر وكم لون مات . معاه ايلاينر , و برايمر اربن ديكاي

ثالث شي
بيبي كريم مايبلين خفيف , وجميل , تغطيته خفيفه جدا . بس حلوا مناسبة للدوام يعني ..
كمان واقي الشمس من نيتروجينا , جميل ممممررا وخفييف مايبان اللون الغبي الابيض ذاك ..
و كمان للمرا الثانية حنزل بودرة بدي شوب للحووواجب شي ججميل وطبيعي مممرا
حنزل تقريبا زي الليب لاينر , واحد برجوا البيبي بنك درججته حلوا درجته 15 اسمها rose preciex
الثاني لونهه جميل بنك على اححمر ما تعرفي لونه بسس مممممرا حلو من ريميل درجته 004 اسمها indian pink

 كمان الشي الجممميل هذا من جارنييه , مزيل مكياج خفيف ممرا و مناسب للبشرة الحساسة , و الجافة مرا حلو و خفيف ..

بالاكسسوار هذه الاسوارتين
الاولى من فندي .. الثانية من جوسي كوتور كلها احبها ممرا .

ان شاء الله عجبكم البوست هذا , بوست بسيط وخفيف ,
انتظروني بالحلقة الجاية ببرنامج حديث نساء ..
استودعتكم ربي :( ~

Haul .. Namshi & B&BW & Boots

_






السلام عليكم
كل سنة وانتوا طيبين متأخر , عشان لي مدة مانزلت بوستات .
قلت اسوي بوست عن مشترياتي وكذا ..


اول حاجة طلبت من موقع نمشي .جزمة او شوز , الديزاين تبعه زي تومس بس هذا من بوبس من سكتشرز ...
طلبته وجاني بمدة 6 ايام تقريبا .
اخذته ب 180 . و التوصيل مجاني عندهم اذا شي فوق المية .. اطلبوا منه فيه اشياء كثير حلوا ..
هذا موقعهم ..
http://ar-sa.namshi.com/

هذا كرتون الشوز , كان فيه كرتون تبع الموقع برا بس تعرفوا مع الحماس اختفى وكذا ~

هذا اول ما فتحت الكرتون

هذا الشوز ..

زي ما انتوا شايفين مكتوب هنا , انو 100% جلد , و مكتوب انو تساعد العالم فيه

  ..
كيف تساعد العالم فيه بأنك اذا اشتريت شوز لك يروح شوز لطفل من اطفال العالم الفقيرين

و اشتريت الشور جل هذا من باث اند بودي ووركس . ب 60 ريال \ بالشيا ..

 

و اشتريت هذه الرغوة bubble bath حقت الحمام او الجاكوزي وكذا ..

 و اشتريت المعقم هذا anti bacterial برضو من باث اند بودي ووركس

واشتريت واقي الشمس هذا من نيتروجينا من صيدلية بوتس ب 56 ريال , مكتوب عليه انو اكثر واقي نزل بالشفافية هذه ..
واللي يضايقني دايما بواقي الشمس يدي بياض كذا بالوجه ماعرف ليه ؟

و بس كمان في هول ثاني قريب . ان شاء الله
استنوني ..
وقولولي ايش تحبوا انزلكم ..

Beauty youtubers .

_

السلام عليكم .
كيف حالكم وحشتوني ..
كل سنة وانتوا طيبين العيد قرب ..
بمناسبة انو العيد قرب و كذا جبت لكم قنوات تساعدكم بالميك اب و الشعر ,,


اول شي دي القناة مرا جميلة ..
و هذا واحد من الفيديوز تبعها , تقلد سيلينا قومز فيه , تتكلم عن الشعر و الميك اب و كل شي تقريبا ..

هذه ثاني  وحدا تنزل فيديوز عن الشعر جميلة الميك اب مو مرا احس ..

و هذه مرا جمييلة تنزل اشياء مرا حلوا .

هذه برضو ..

هذه جميلة كمان ..

بس هذا بوست خفيف لليوم ,, بليز اي مقطع فيه ميوزك وطو الصوت , انا مو مسؤولة ..

اذا عجبكم قولولي ,, و شكرا :*
استودعتكم الله ..

العيد ..

_

السلام عليكم , كيف حالكم , كيف رمضان معاكم ان شاء الله جميل يارب ..

صراحة صراحة انا مرراا مبسوطة اني كملت عشر الاف مشاركة جد جد صح مو اللي انا كنت اطمحله بس شي جميل , و انشاء الله اوصل لكل شي انا اباه معاكم وفيكم ..

مراا انبسطت فيكم و بكل كومنتاتكم , هنا وبتويتر .. شي جميل مرا القى ناس زيكم ..

 

احس الناس متورطة انها م تجهزت للعيد وانا للحين م نزلت السوق :*

بس يلا بما ان الناس تجهز للعيد نتكلم عن التجهيز له شوية ..

اول شي نتكلم كيف تنسقي الملابس مع بعض ..

اول حاجة لازم تعرفي كيف شكل جسمك , هل هو مثلث او مثلث مقلوب , او ساعة رملية م حشرح بس بوريكم صورة تبين لكم اشكال الجسم ..

, و لازم تعرفي كمان يعني كيف عيدكم اذا كان مرا كبير تجهزي له لبس يناسب انو عيد كبير واذا م يتعدى الاهل و الاقارب اللي مرا جهزي له لبس ناعم شوي مو اوفر ..

ثاني حاجة لازم تنظمي ببالك ايش تبي تاخذي يعني مثلا اخذتي فستان تفكري انو يباله شوز كذا مو تروحي تشتري اي شي من السوق يعجبك بعدين تتورطي ما جات على بعض ؟

وكمان لازم انك توثقي بذوقك م تجلسي مرا مترددة , اذا ترددتي شوي خذيها جربيها م عجبتك رجعيها وحصل خير ماسار شي ..

كمان لازم تكوني عارفة ايش التريندز و الموضة عشان تعرفي ايش تاخدي ماتاخدي حاجة قديمة ..

كمان اذا تحبي حطي لك ميزانية عشان م تكتشفي انك اشتريتي اشياء تافهه بسعر مايتساهل وومكن تلقينه بسعر ارخص ونفس الجودة ..

ثاني حاجة نتكلم عن التريندز اللي موجودة حاليا

اول حاجة نازلين بالقمصان اللي زي زمان , و كمان الجينز مرا نازلة بكل محل تلقينها حلوة مع ليقنز او بنطلون هاي ويست اذا كان القميص سادة و ناعم  

ثاني حاجة نازلين بالاشياء التقليدية زي الهيد باندس الربطات اللي ورود للشعر اوتكون فلورال موردة وكذا او ساتان ..

 برضو نازلين دي السنة بالفلورال كل شي موجود منه شي مورد لازم في اشياء كثير حلوة

ثالث حاجة نازلين فيها مو مرة عاجبتني بس الميتال اللي يجي الوانها زي المعدن تقريبا او شي كذا  ..

ثالث حاجة م تنفع للعيد بس نازلة بالتريندز ذي  السنة اللي هيا طباعة الصور كذا عالتيشرتات او شي تكون صورة يعني كاملة

ونازلين بالالوان الصارخة و النيون دي السنة مرا .

المخطط دي السنة تلقي منه كل شي شوزات لقينز , جاكيت , تيشرت كل شي بس حاولي تبعدي عنه م احسه حق عيد  ..

وبس هذا موضوعنا لليوم ..

اذا حابين انزلكم كم تنسيق للعيد قولولي بالكومنتس وتويتر ..

و بس احبكم شكرَا ..

رمضان "

السلام عليكم ..

 صبح صبح =))

كيف حالكم ان شاء الله كلكم كويسين . 

طبعا زي مانتوا عارفين رمضان الشهر اللي كلننا نحبه ونستناه ونتجهز له قرب يالله يارب يبلغنا هوا :(ترا البوست بس كذا باهرج ع راسكم .. استحملوني

 المهم اللي بقوله انو رمضان شهر جميل وحلو و كذا عائلي مرا احس و كل العايلات تتجمع فيه و غير كذا روحاني تحس كل الناس تجري عشان ترضي ربنا ..

لازم نستغل رمضان احس باشياء كويسة نسيب البيبي شويا , نتوب عن اشياء كثير منها اغاني نحاول م نرجع لها بعد رمضان ..

نختم القران نصلي تراويح وقيام , نسيب التلفزيون شويا , انا وحدا تغريني المسلسلات برمضان بس ذي السنة بما إنه مافيه خدامة و ورايا الجيم م اتوقع افضى عشان اتفرج عليها ؟

القران نقدر نختمه بانه نقرا 20 صفحة باليوم و تقدري تختميه مرتين اذا قريتي 40 صفحة , مرا جميل وسهلة 4 مع كل فرض و اذا ما تبي خلي 4 مع المغرب و 4 مع الفجر و 12 مع التراويح عشان يعني ظهر نايمين وكذا يادوبك نصلي وعصر طبخ وفطور ..

الاغاني ماتوقع تلقي وقت لها اساسا لانه حتى لو فضيتي التلفزيون مرا مغري او تروحين تقضين للعيد  و اذا مرا شغلي قران وحطي الهيد فونز باذنك احسن منها و الله . و للي يدخنوا كمان تقدري تسيبيه برمضان , لا تقولولي مافي بنات يدخنوا الا فيه كثير و اذا مو دخان معسل ..

وكممان دعوة الصايم  مستجابة ادعوا باللي تبوه في اجمل من كذا :( ؟

اللي يقدر كمان يسوي عمرة عمرة رمضان كأنك حجيتي مع الرسول . الله كمية اجر كبيرة الله يرزقنا :(

كمان من السنة نعجل الفطور وناخر السحور , نحاول قد م نقدر نسويها .. و اللي بطنها م يستحمل تفتح ريقها باي شي بسيط بعدين تكمل , و اللي م تقدر تنام وبطنها مليانة تتسحر بشي خفيف ..

رمضان فرصة كبيرة مرا للي يبى يتوب عن شي , لانه الشياطين مي موجودة وقتها . بس يكون تاثير الناس وقتها ..جينا لاسهل شي وشي نقدر عليه افطار صايم اكيد اي مسجد جمب بيتكم يسوي فطور او السوبر ماركت اللي جمبكم مسوين جمبه مصلى يسوون فيه فطور , ليه م نفطر صايم لو بلبن و مويا وتمر زي م يسووا عند الاشارات لو يوم انك تسوي الشربة لاهلك سوي اثنين واحد وديه وواحد خليه .

 العمال اللي بالشارع ممكن تديهم تكسبي اجر مرا كبير لانهم يكونو يشتغلوا من الصبح و بالظهر وبعز الشمس .ليه م يخلوا دوامهم بالليل مي صعبة و الله نفسها زي شغل النهار ترا نفس اللي بيسووه ويمكن احسن ..

وكمان صدقات ممكن تشتري كم قران تحطيه بالمسجد تكون صدقة جارية لك لبعد م تموتي .. ممكن تشتري كرتون مويا تحطيه كله 15 ريال على مااظن ؟

ممكن اذا كان لك احد ميت تسويله الصدقة دي مرا تفرحه اصلا الاموات يستنوا شهر رمضان عشان تكون الدعوات كتيرة والصدقات برضوا ..ممكن نحفظ جزء من القران برمضان ..
كم رمضان بالسنة واحد ياجماعة خلينا نستغله ..

اعرف هرجت كثير بس ان شاء الله عجبكم  واصلوني ع تويتر @roudis_blog

انتبهوا لنفسكم , استودعتكم ربي ...

يلا نقرأ 2 ..

-

سلام عليكم مرا ثانية , ايوا نزلت بوستين بيوم تعويض وكذا للجميلة اللي زعلت عالاسبوعين اللي مانزلت فيها , سارا :*


فجأة سبحان الله قررت اخلي يلا نقرأ سلسلة , و كل م قرات كتاب جيت انزل رأيي فيه :$
كتاب اليوم اللي هوا السر .

الكتاب اجنبي كاتبته منتجة الافلام الاسترالية روندا بايرن مترجم لعدة لغات منها العربي ..
الكتاب يتكلم عن السر اللي هوا قوة الجذب , فكرة الكتاب تتكلم عن طريقة تفكيرك بحياتك تجذب نوع الاحداث من حولك ...
, يتكلم عن انه الافكار تسير حقيقة واقعية , وانك م تتوقع السيء بحياتك عشان مايجيك لان طريقة توقعك سيئة او جيدة تجيب لك احداث جيدة او سيئة

يتكلم عن ان الدعاء يساعدك عشان تحقق افكارك ,
يتكلم عن اساسيات التوقع الثلاثة اللي هيا : الطلب و الايمان والاستقبال انك تطلبي اللي تبيه وتؤمني انه حيجيكي و تستعدي انه حيجيكي ..
الكتاب يخليك تؤمن انك تستاهل احسن شي والمفروض انك تتوقع الشي الكويس و تؤمن انه جايك وتستقبله عشان يجيك ..

عجبني الكتاب لان ككثير ككثير اشخاص اقابلهم نظرتهم سوداوية للحياة مرا , يجيك يلطم حظه و يقول انا حظي مو كويس وهوا لو قالوله اختار طريق من طريقين وواحد نهايته حلوا وواحد نهايته حفرة يدخل الطريق اللي اختاره وهوا متوقع انه تكون نهايته حفرة .
و اذا جاته حفرة قال ليش جاتني ؟ ربي قال انا عند ظن عبدي بي . ليش نسيء الظن لازم نتوقع الافضل ونتفائل بالخير زي ماقال الرسول ( تفائلوا بالخير تجدوه )

ثاني كتاب : استمتع بحياتك للشيخ : محمد العريفي

كتاب استمتع بحياتك يتكلم عن مهارات التعامل مع الناس , و كيف تعيش حياتك بايجابية عن طريق قصص واقعية وتجارب سواها , تكلم عن قصص سارت مع الرسول صل الله عليه وسلم , وكيف كان يتعامل مع الناس مع اختلاف طبقاتهم الاجتماعية , و مهاراته اللي سواها وتأثر فيها غيره , اتكلم عن ان تعاملنا الطيب مع الناس شي نتقرب فيه لله , اتكلم عن الابتسامة والبشاشة مع النااس كيف مهمة وكيف تكون مفتاح لقلوبهم وطريقة انك تتقرب فيها لهم .. اتكلم عن ضبط النفس و قال مواقف كثير عن الرسول فيها ..

هذه اقتباسات من كتابه ..

ابتسم .. ابتسم .. ابتسم

أعرفه منذ سنين .. فهو أحد زملائي في عملي .. على كل حال .. 

لكن هل تصدق أنني إلى الآن لا أدري هل نبتت له أسنان أم لا !! 

دائم التجهم .. والعبوس .. وكأنه إذا ابتسم نقص 

عمره .. أو قلَّ ماله !! 

قال جرير بن عبد الله البجلي : ما رآني رسول الله صلى الله عليه و سلم إلا تبسم في وجهي .. 

الابتسامة أنواع .. ومراتب .. 

فمنها البشاشة الدائمة .. أن يكون وجهك صبوحاً مبتهجاً دائماً .. 

فلو كنت مدرساً ودخلت الفصل على طلابك .. فالقهم بوجه بشوش .. 

ركبت طائرة .. ومشيت في الممر والناس ينظرون إليك .. كن بشوشاً .. 

دخلت بقالة .. أو محطة وقود .. مددت له الحساب .. ابتسم .. 

في المجلس .. ودخل شخص وسلم بصوت عال .. ومر بنظره على الجالسين .. ابتسم .. 

دخلت على مجموعة .. وصافحتهم .. ابتسم .. 

الابتسامة لها من التأثير الكبير في امتصاص الغضب والشك والتردد .. ما لا يشاركها غيرها .. 

البطل هو الذي يستطيع التغلب على عواطفه .. والتبسم .. 

كان أنس بن مالك يمشي مع النبي عليه السلام يوماً.. والنبي عليه بُرد نجراني غليظ الحاشية .. 

فلحقهما أعرابي .. 

أقبل هذا الأعرابي يجري وراء النبي يريد أن يلحق به .. حتى إذا اقترب منه .. 

جبذه بردائه جبذة شديدة .. فتحرك الرداء بعنف على رقبة النبي عليه السلام .. 

قال أنس : حتى نظرت إلى صفحة عاتق رسول الله .. قد أثرت بها حاشية البُرد من شدة جبذته .. 

فماذا يريد هذا الرجل ؟! لعل بيته يحترق وأقبل يريد 

معونة .. أو أحاطت بهم غارة من المشركين .. 

اسمع ماذا يريد .. قال : يا محمد .. ( لاحظ لم يقل : يا رسول الله ) .. 

قال : يا محمد .. مُر لي من مال الله الذي عندك .. فالتفت رسول الله .. ثم ضحك .. ثم أمر له بعطاء .. 

نعم .. كان بطلاً لا تستفزه مثل هذه التصرفات .. ولا يعاقب أو تثور أعصابه على التافهات .. 

كان واسع البطان .. قوياً يضبط أعصابه .. دائم الابتسامة حتى في أحلك الظروف .. يفكر في عواقب الأمور قبل أن يفعلها .. 

وماذا يفيد لو أنه صرخ بالرجل أو طرده ‍‍! 

هل سيشفى جرح عنقه ! أو يصلح أدب الرجل ! كلا .. 

إذن ليس مثل الصبر والتحمل .. 

نعم بعض الأمور نثور لها ونغضب .. وعلاجها شيء آخر تماماً .. 

وصدق رسول الله لما قال : ليس الشديد بالصرعة .. إنما الشديد الذي يملك نفسه عند الغضب .. 

كان النبي الكريم .. يجذب الناس بالتبسم والبشاشة .. 

و بس هذا كل شي , اتمنى يعجبكم احبكم استودعتكم ربي .. 

واصلوني ع تويتر ..

MAKE UP { 2 ...

-





السلام عليكم ..
كيفكم وحشتوني مرآ , مرآ .
آنا اسفه قطعت اسبوعين لا تويتر ولا بلوق  , المهم اني مرا اشتقت لكم ومرا احبكم :( ..


االيوم باذن الله راح اكمل السلسلة حقت الميك اب , المرة اللي فاتت خلصنا ميك اب الوجه عامَة , ذي المرة نكمل ميك اب العيون ..
اول شي الاساسيات بميك اب العيون : الكحل , الاي شدو والماسكارا ..

الشدو انواع اللي يجي حر و مضغوط و كريمي .. اول شي الشدو الحر ..

ويقولو احسن نوع حق ماك . انا ما جربت اي شدو حر 

...
ثاني واحد الاي شدو المضغوط ..
انا جربت باليت نيكس هذا مرا جميل , و طبيعي مرا

و طبعا طبعا بشهادة الكل لا يعلى على باليت نيكد ..

و هذا برضو من نيكد مرا جميل , طبيعي اكثر

باقي الاي شدو الكريمي برضو ماقدر جربتو و يمدحو حق ماك

ننتقل للماسكارا ..
في انواع للماسكارا في اللي يكثف و اللي يطول و اللي يعكف الرموش او يقوسها و اللي ضد الموية و فيه الوان متنوعة ..

احسن ماسكارا للحين جربتها

, و الاورنج اللي تكلمت عنها بالفيفوريت و برضو تبع مكياجي اللي قروب كم مسكرا ..
و يمدحو تبع بينفت هذه

و نجي نتكلم عن الكحل . في انواع السايل و القلم و الكريمي

هذا الكريمي من ماك يقولو جميل , وتقدري تاخذي بديل عنه تبع ميبلين تقريبا بنفس الجودة وسعر اقل .. 

و هذا السائل من ريفلون يمدحونه ..

وهذا القلم من ميك اب فوريفر و برضو حق NYX  جميل ..

. و آخر شي اضافه صراحة انا مرا احبها ومستحيل اذا كنت رايحة مناسبة كبيرة او ابى شكلي يكون في تغيير ماحطها اللي هي العدسات , انا احب عدسات تراي كلر TRY COLOR مرا خفيفه وطبية و الوانها جميلة . و احب ماركة BELLA بما ان فيها نوع من العدسات اللي المقاس حقها كبير بشكل انه يكبر العيون و الوانها حلوة بس مو دايم متوفرة . اكره اكره اكره فريش لوك مع ان الكثير يحبوها انا ما اتحملها ابدا احسها تجارية جدا , ثقيله عالعين كاني جايبة قطعة بلاستيك وحاطتها بعيني ..

..

_ و بس هذا البوست لليوم 

شكرا للجميلة رزان اللي زنت زنت عليا الين م كملت السلسلة ونزلت البوست 

و بس انتبهوا لنفسكم و استودعتكم ربي , وقولولي رايكم بالبوست , وادوني اقتراحات لبوستات جاية ..

احبكم .. بأمان الله .