BB CREAM

_:



السلآم عليكم , اليوم انا حآبة اتكلم عن شي اقدرهه جدا و مرا احبهه , و احسه شي جد جد ما اقدر اخرج من البيت بدونه , ولو خرجت احس نفسي ناقصهه .

حتكلم عن البيبي كريم حق بودي شوب , اول شي حتكلم عن البيبي كريم عامةَ :
 ايش هوا البيبي كريم اول شي : البيبي كريم هوا ببساطة كريم اساس *فونديشن* يحمي البشرة و يخفي العيوب و يرطب وينعم البشرة . البيبي كريم طبي , و تجميلي يعتبر " يستعمل لعلاج البشرة وتجميلها واخفاء عيوبها بشكل بسيط للاستعمال اليومي 

حتكلم عن فوايده شوي , اول شي ينعم البشرة ويرطبها ويخليها صافية , ومع الايام يعالجها . فيه درجة واقي من الشمس تقريبا بنسبة 25 SPF  خافي للتجاعيد والحبوب و النمش  بشكل بسيط , حوريكم صورة تبين تاثيره , بس احس ان الصورة مبالغ فيها شوي

الصور من النت * 




الحين حتكلم عن البيبي كريم تبع بودي شوب 'طبعا هذا شكله

 في منه 3 درجات , اللي هيا 1, 2 و 3 هنا ريفيو لل3 

طبعا هوا اول م تحطيه حيكون لونه ابيض , بمجرد م توزعيه حيتغير لونه , طبعا توزيعه نفس الفونيدشن بفرشاة ادا تحبي او باصباعك

انا افضل صراحة بالفرشا توزع كويس ..
سعره ب 89 موجود بفروع بودي شوب 
و بس هذا كل شي لليوم  ..
و حابة اسالكم كيف البيبي كريم حق غارنييه + ان شاء الله ناوية اجربه ابى تجاربكم , و ارائكم 
+ هذا تويتر حقي واصلوني 
@roudis_blog

شكرا , انتبهوا لنفسكم , استودعتكم الله 

first thing

السلام عليكم ، مسآء الخير .

• اليوم إن شاء الله راح تكون أول تدوينه لي بالبلوق .. لي تقريباَ شهر كاتبتها , بس الكسل  وَ مآ يسوي . إن شاء الله اتوفق بفتح المدونة , و ربي ييسرلي اسوي الشيء اللي يرضيني و يرضيكم ..
• 
  
• اول شي , آنا إسمي رغـد  , مواليد 96 . ادرس بثانوي مقررات . 
• صراحةَ حبيت افتح المدونة تقريبا من شهر ذو القعدة , بس كنت محتارة جدا , و خصوصا تقريبا اني بين البلوقرز صغيرهه , ف ممكن م اتوفق بالموضوع دا , بس بعد مشاورات مع نفسي و اهلي و صحباتي , قلت حفتح و ان شاء الله لو نجح الموضوع بعد مدة راح اكمل ب قناة باليوتيوب ان شاء الله , طبعا مرا اشكر الشي الجمييل اللي اسمه قورجس , لانها ساعدتني لما سألتها , و لها فضل اني فتحت البلوق .. كثرت كلآم اعرف استحملوني شوي . ترا كان المفروض مع التدوينة هذه مفضلات لشهر يناير , بس ان شاء الله انزلها قريب ..
• بس اخر شي , حابةة اسألكم عن ايش تحبو انزلكم ادوني اشياء او اقتراحات او اي اسالة اجاوبها و انزلها ..
• + توآصلو معي بتويتر , و خبروني ايش حابين زي م قلتلكم ..
• , استودعتكم الله , انتبهوا لنفسكم *حآسة اني اكتب ل نفسي *